Hvað er FineArt prentun?

Það er bleksprautuprentun með pigment bleki á vottaðan sýrufrían pappír. Það tryggir gæði og endingu sem myndlistarfólk og ljósmyndarar sækjast eftir við prentun verka sinna.

​

En tæki og tól ein og sér tryggja ekki bestu mögulegu útkomu. Til þess þarf  að vinna með myndirnar í myndvinnsluforriti til að aðlaga þær prentferlinu.

 

Tegund pappírs hefur þar mest að segja. Mattur pappír hegðar sér t.d. á annan hátt en luster eða háglans pappír. Hvítan í pappírnum er mismunandi eftir tegundum líka. Það hefur áhrif á björtustu svæði mynda og getur líka sett blæbrigði í mettaða liti.

​

Ég hef áralanga þjálfun í því að vinna hágæða myndir og prenta jafnt mínar eigin myndir sem og verk annarra ljósmyndara og myndlistarfólks.

​

Öll prentun fer fram á Epson SC-P9500 með Epson UltraChrome® Pro 12 bleki. Þessi prentun gefur meiri litmettun (Colour Gamut) og þéttni (Dmax) heldur en hefðbundinn ljósmyndapappír. 

​

Ef þú hefur áhuga að nýta þér þjónustuna sendir þú mér einfaldlega myndirnar í tölvupósti eða notar skráadeiliþjónustu eins og wetransfer eða dropbox (það hentar betur þegar skrárnar eru stórar eða margar).

​

Ég staðfesti síðan móttöku og læt þig vita hvenær myndirnar eru tilbúnar.

​

Einfalt og þægilegt!