Search

Gullið við fossinn

Ég las grein um daginn eftir erlendan ferðaljósmyndara sem hefur atvinnu af því að selja myndir til ferðaskrifstofa og annarra aðila í ferðamannabransanum. Hann talaði um það að myndirnar sem hann lifir á séu myndir af þekktustu stöðunum. Þær seljast stöðugt á meðan að gullfallegar myndir af stórkostlegri náttúru e-h staðar langt út fyrir troðnar slóðir seljast lítið. Staðreyndin er sú að flestir ferðamanna fara einungis á þekktustu staðina og því er eftirspurnin eftir myndefni frá þeim stöðum talsvert meiri.


Þetta fékk mig til að hugsa, því ég á pínlega fáar myndir af vinsælustu ferðamannastöðum landsins - hinni heilögu þrenningu: Þingvöllum, Geysi og Gullfoss. Og ég minnist þess að hafa verið spurður um myndir frá "Gullhringnum" og lítið átt nema eldgamlar myndir til að sýna.



Því ákvað ég í gær að sjá hvort ég gæti fangað eitthvað við Gullfoss, Aðstæður voru snúnar því birtan var hörð og neðri hlutinn kominn í skugga. Ég ákvað því að ganga upp á vesturbrúnina og sjá hvort ég gæti náð einhverju með því að mynda niður í gljúfrið með lengri linsu. Þá kom ég auga á hvernig úðinn frá fossinum fór einstaka sinnum nógu hátt til þess að sólin næði að lýsa hann upp. Ég skaut nokkra ramma með 70-200mm linsunni á Sony A7rIII og þetta var útkoman. Ég er bara nokkuð sáttur að hafa loks náð að fanga gullið við fossinn :)

353 views

Christopher Lund, ljósmyndari - Langholtsvegi 126, 104 Reykjavík - s. 822 7601